Etiketteringslynoperateur

Koelenhof Wynkelder, wat geleë is in die Stellenbosch-omgewing, bied tans hierdie loopbaangeleentheid aan.

Die suksesvolle kandidaat sal aan die Botteleringsbestuurder rapporteer en sal in beheer wees van ‘n BRC-geakkrediteerde etiketteringsaanleg (wyn).

Ons verlang aansoeke van slegs persone met die volgende bewese ervaring:

• Beheer van volledige etiketteringslyn
• Eerstelyn-instandhouding, klein herstelwerk en die instel van etiketterings- en verwante masjiene
• Handhawing van gehaltebeheer en produkspesifikasies
• Verliesbeheer van voorraad – toesighouding oor personeel.

Die vereistes vir hierdie pos sluit die volgende in:

• Minimum 3 jaar ondervinding van etiketteringsaanlegte
• Tegniese agtergrond van produksielyne
• Toesighouersvaardighede
• Blootstelling aan ‘n kwaliteitsbeheerde werksomgewing en dienooreenkomstige rekordhouding
• Die vermoë om onder druk te funksioneer
• Die bereidwilligheid om oortyd en skofte te werk
• Vermoë om in ‘n span te funksioneer
• Eie vervoer

Koelenhof Wynkelder bied 'n markverwante vergoedingspakket vir u bydrae aan.

Indien u belangstel, stuur asseblief 'n CV en dekbrief aan careers@koelenhof.co.za teen 31 Januarie 2025.  Gebruik asseblief die verwysing "Etiketteringslynoperateur".

Diensaanvaarding sal so spoedig moontlik wees, maar nie later as 1 April 2025 nie.

Indien u binne 2 weke na die sluitingsdatum geen terugvoer ontvang nie, kan u aanvaar dat u aansoek nie suksesvol was nie.