Wynmaker

Thursday, 6 June, 2019
Ilze van Niekerk    
Klein Karoo  

De Krans Wines, geleë in die skilderagtige Gamka Rivier Vallei in Calitzdorp, het tans die bogenoemde posisie beskikbaar.

Hierdie is 'n uitdagende en opwindende geleentheid vir 'n entoesiastiese persoon met 'n passie vir wynbereiding, goeie werksetiek en die vermoë om binne 'n spanomgewing te werk. 'n BSc/B.Agric-graad in Wynkunde en Wingerdkunde, minstens vyf (5) jaar ondervinding van die totale wynmaakproses, 'n goeie begrip van wingerdverbouing, en rekenaarvaardigheid is voorvereistes vir hierdie pos. Ervaring in die bereiding van wyne van Portugese kultivars sal in die aansoeker se guns tel.

Die suksesvolle kandidaat sal verantwoordelik wees vir * koördinasie van oesaktiwiteite * die totale wynmaakproses * stabilisering van wyne * verwerking en versnit van gehaltewyne * skepping van moderne en nuwe stylversnitte * kelderadministrasie en personeelbestuur * skakeling in terme van wynproe , promosies en bemarking.

Indien u belangstel, doen asseblief aansoek aanlyn by www.m3online.co.za voor 13:00 op 13 Junie 2019.

Diensaanvaarding: 1 Augustus 2019

Indien geen terugvoer binne twee weke na die sluitingsdatum ontvang is nie, kan aanvaar word dat die aansoek onsuksesvol was.