Die Masjienoperateur vakature bestaan by die Paarlvallei Botteleringsmaatskappy se aanleg wat net buite Wellington geleë is.
Die persoon sal hoofsaaklik verantwoordelik wees vir die effektiewe bedryf van ‘n etiketeermasjien.
Die sleutelverantwoordelikhede van die pos sentreer rondom:
- Bedryf, oorskakel en instel van betrokke masjien en ander relevante toerusting
- Nodige instandhouding van relevante masjiene
- Effektiewe hantering van materiale op lyn
- Higiëne, veiligheid en huishouding
- Handhawing van BRCGS/HACCP en/of soortgelyke internasionale voedsel standaarde & vereistes
- Noukeurige en akkurate rekordhouding tydens produksie
- Hoë standaard van kwaliteit kan handhaaf en monitor tydens produksie
- Opleiding van personeel op relevante masjiene soos behoefte bestaan
- Samewerking binne spanverband en die handhawing van produksie standaarde
- Ander relevante ad-hoc take
Om vir die pos in aanmerking te kom, moet die aansoeker aan die volgende vereistes voldoen:
- Verkieslik Graad 12 (Tegniese vakke kan in u guns tel.)
- Ten minste 5 jaar ervaring op ‘n etiketeermasjien (verkieslik binne die wynbedryf & lys die tipe etiketeermasjiene en ervaring daarmee op jou aansoek.)
- Ervaring van BRC/HACCP en/of soortgelyke internasionale voedsel & kwaliteit standaarde
- Goed te kan lees en skryf
- Goeie gesondheid
- Onder druk kan werk
- Goed kan kommunikeer en in spanverband kan werk
- Betroubaar en stiptelik wees
Indien u aan bogenoemde voldoen, sal ons baie graag van u wil hoor. E- Pos u aansoek na Cheryl van Schalkwyk by schalkwykc@pvbm.co.za of handig dit by haar in voor 12 September 2025.
Indien u nie terugvoer binne 14 dae na die sluitingsdatum kry nie moet aanvaar word dat die aansoek nie suksesvol was nie.